palaparthi cover

ఉత్తుత్తి పిలుపు

పాపకి కొత్త చిన్న ఫ్రెండు వచ్చింది.

కొత్తగా వచ్చిన పక్కింటివారి పాప.

పాపతో ఆడుకోవడానికి ఇంటికి వచ్చింది.

పాప హాప్పీగా తన బొమ్మలన్నీ చూపించి ఆ పాపతో ఆడుకోవడం మొదలుపెట్టింది.

ఈ ఫ్రెండు ఇప్పుడిప్పుడే మాటలు నేర్చుకుంటోంది.

కొంచెంసేపయ్యాక ఇద్దరూ వంటింట్లోకి వచ్చారు.

అమ్మా! బొబ్బ కావాలి తాగడానికి అన్నది.

వెంటనే ఫ్రెండు పాప, అమ్మా! బొబ్బ కావాలి తాగడానికి! అన్నది.

తన అమ్మని ఆ పిల్ల అమ్మా అనడం పాపకి నచ్చలేదు.

ఆంతీ అనాలి.

అమ్మా అనకూడదు! తెలిసిందా? అన్నది.

అర్ధం కానట్టు చూసింది ఆ పాప.

ఇద్దరూ బొబ్బ తాగేసి మళ్ళీ ఆడుకోడానికి హాల్లోకి వెళ్ళిపోయారు.

కొంచెంసేపయ్యాక మళ్ళీ వచ్చారు పాపా, ఫ్రెండు పాపా.

అమ్మా! లడ్డూ పెత్తు! అడిగింది పాప.

అమ్మా! లడ్డూ పెత్తు! అన్నది ఫ్రెండు పాప.

అంతీ అనాలి. చెప్పానా? అన్నది పాప.

పర్వా లేదు నాన్నా. చిన్న పాప కదా! తెలీదు. అన్నది అమ్మ అనునయంగా.

కానీ పాపక్కొంచెం అసంతృప్తిగానే ఉన్నది.

మూడోసారి మళ్ళీ వచ్చారు ఇద్దరూ.

ఆంతీ!ఆంతీ! బిస్కత్తు పెత్తు అన్నది పాప.

ఆంటీ అంటున్నావేవిటి?? మర్చిపోయావా? ఆశ్చర్యపోతూ అన్నది అమ్మ.

కాదమ్మా! కిందికి దిగు చెబుతాను అన్నది పాప.

అమ్మ వంగి పాపకి చెవి వొగ్గింది.

అమ్మా! ఊరికినే! నిజంగా కాదమ్మా!

ఉత్తుత్తిగా.

నేను ఆంతీ అంతే అది కూడా ఆంతీ అంతుంది.

అందుకని.

అని చెప్పింది పాప అమ్మ చెవిలో రహస్యంగా.

ఓసి పిల్ల తెలివి బంగారంగానూ! అని మనసులో అనుకుంటూ ఏదో అనబోయింది అమ్మ.

ఇంతలోనే-

ఆంతీ!అంతీ!

బిస్కత్తు పెత్తు!

అన్నది పాప ఫ్రెండు పాప.

 *

Download PDF ePub MOBI

Posted in 2014, చిట్టి చిట్టి మిరియాలు, నవంబర్, సీరియల్ and tagged , , , , , .

One Comment

  1. చాలా చాలా చాలా బావుంది మేడం, మీ పదాలు వాక్యాలకు భావం మాత్రమే కాక, స్పర్శనీ రుచినీ కూడా ఇస్తాయ్, మరోసారి నన్ను పిల్లాడ్ని చేసినందుకు థాంక్యూ..

డియర్ రీడర్:— రచనతో సంబంధంలేని వ్యాఖ్యలు వద్దు. సంయమనం లేని, ఎవరికీ ఉపయోగం కాని వ్యాఖ్యలు వద్దు. నింద వేరు విమర్శ వేరు, ఎవర్నీ గాయపరచకుండానే విమర్శించవచ్చు. పుల్లవిరుపుగా తీసిపారేయటం వల్ల అసహనం ఉపశమిస్తుందేమో, అంతకుమించి ఒరిగేది లేదు. ఏదైనా నచ్చకపోతే ఎందుకు నచ్చలేదో కాస్త సున్నితంగా, విశదంగా చెప్పండి. వీలైనంతవరకూ మారుపేర్లు వద్దు. మీ వ్యాఖ్యలు పరిశీలన తర్వాతనే ప్రచురింపబడతాయి. వ్యాఖ్యల్ని ఎడిట్ చేసే అధికారం పత్రికకి ఉంది.