palaparthi cover

అల్మరా అందుతుంది

అమ్మ వంటింట్లో పని చేసుకుంటోంది.

పాప తన బొమ్మలతో కుర్చీలో కూచుంది అమ్మని చూస్తూ.

బాగా చదువుకుంటావా నాన్నా?

పెద్దయ్యాక పెద్ద డాక్టర్ వి కావాలి అన్నది అమ్మ పాపతో.

ఊ..

లేకపోతే నాన్నలాగా ఆఫీసుకు వెళ్ళి కంప్యూటర్ ముందు పని చేస్తావా?

ఊ…

అమ్మ చిన్నప్పుడు బాగా చదువుకుని ఫస్టు వచ్చింది.

అప్పుడు స్కూలు వాళ్ళు పెద్ద గిఫ్టు ఇచ్చారు తెలుసా?

నువ్వు కూడా ఏ బీ సీ లన్నీ నేర్చేసుకుని

ఇంకా ఇంకా బాగా చదూకోవాలి.

తెలిసిందా?

ఊ..

పెద్దయ్యాక కారు నడపాలి.

ఇంకా చాలా చాలా గొప్ప పనులు చెయ్యాలి.

బాగా పేరు తెచ్చుకోవాలి.

తెలిసిందా?

ఊ..

పని చేసుకుంటూ చెప్పుకుపోతోంది అమ్మ.

బెద్దయితే చాలా చాలా బొడుగు అవుతాను కదమ్మా?

అడిగింది పాప.

అవును రా. అమ్మంత పొడుగవుతావ్.

అన్నది అమ్మ

పాప తనంత అయ్యి స్టెతస్కోపు మెళ్ళో వేసుకుని

పెద్ద హాస్పిటల్లోని పెద్ద కుర్చీలో కూచుని ఉన్నట్టు ఊహిస్తూ.

అమ్మా!

అప్పుడూ నాకు చాలా చాలా బొడుగు చేతులు ఉంటాయి కదా!

అప్పుడు ఇతల అలమరా తెరిచి

చాలా చాలా

చాకొలెత్తులు, బిస్కెత్తులు, లడ్డూలు

అన్నీ తీసుకోవచ్చు!

అన్నది పాప

మెరుస్తున్న కళ్ళతో అల్మరా వంక చూస్తూ.

 *

Download PDF EPUB MOBI

రెగ్యులర్ అప్డేట్స్ కోసం కినిగె పత్రిక ఫేస్బుక్ పేజీని లైక్ చేయండి. 

Posted in 2014, చిట్టి చిట్టి మిరియాలు, డిసెంబర్, సీరియల్ and tagged , , , , , .

One Comment

డియర్ రీడర్:— రచనతో సంబంధంలేని వ్యాఖ్యలు వద్దు. సంయమనం లేని, ఎవరికీ ఉపయోగం కాని వ్యాఖ్యలు వద్దు. నింద వేరు విమర్శ వేరు, ఎవర్నీ గాయపరచకుండానే విమర్శించవచ్చు. పుల్లవిరుపుగా తీసిపారేయటం వల్ల అసహనం ఉపశమిస్తుందేమో, అంతకుమించి ఒరిగేది లేదు. ఏదైనా నచ్చకపోతే ఎందుకు నచ్చలేదో కాస్త సున్నితంగా, విశదంగా చెప్పండి. వీలైనంతవరకూ మారుపేర్లు వద్దు. మీ వ్యాఖ్యలు పరిశీలన తర్వాతనే ప్రచురింపబడతాయి. వ్యాఖ్యల్ని ఎడిట్ చేసే అధికారం పత్రికకి ఉంది.